U Lat ka jylla, u Satya Pal Malik da ong u wa ka sieñ kieñ tiar ka Hyniewtrep National Liberation Council (HNLC) ym ye ko wow booh kyndon lada kwah ko wow yaklam yasuk, tangwa toh u pyndem wait chwa wei wow burom ya ka riti synchaar yong ka ri India.
Hawa klam ynne ka sngi, u Lat da ong u wa ym ye wow yaklam iyi iyi wa ka sorkar India neibynta ka HNLC lada ki dkhot ka seiñ ym pu pyndem wait ki, heiwa da ong leh wa i kaam yaklam yasuk yong ka HNLC toh du lyngba u Montri Rangbah ka jylla.
Kam wow kdaw wa ka HNLC na i por cha ka por da pynsñiaw ko yei thrang wow yaklam yasuk noh, heiwa da booh leh ya ki kyndon, tangwa neiliang u Montri Rangbah ka jylla, u Conrad K Sangma ini wadep da klam che u wa ka sorkar India ym ye ko wow pdiang ya ki kyndon wa da booh da ka HNLC, wei lada kwah wow klam yasuk ki dkhot ka seiñ, toh u wan pyndem wait wei khlem da booh kyndon.
