Ynne ka sngi, u EM ka JHADC u Winning G Sungoh da pyntip u wa hapyrdi ka 1 Naitung 2020 hadooh kini ki sngi, ka JHADC da e ko hadooh 924 tylli ki Non Tribal Employees’s Service License.
Ya ini da ong u hawa jubab yeiwa kylli u MDC ka Congress u Holando Lamin ynne ha Yung Dorbar ka Council.
Hadien ini neiliang u Halondo da pynrap chooh u yeiwa kylli deiwa ong wa u symbood montri rangbah ka jylla, u Prestone Tynsong ha ki sngi wa dadep da ong u wa chisien wa da yohbor na ka sorkar, ym emkaam de wow yoh ya ki kot ki sla na ki District Council.
Hajrong ini, neiliang u Winning da ong u wa em jar jiar ki bynta wa ki kot wa emkaam wow yoh na ka Council katkam ka aiñ wei kawi na kitæ toh ka Non Tribal Employees’s Service License.
