Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

Ka Liang Pyrchah hapoh ka Khasi Hills Autonomous District Council (KHADC), da pynsñiaw ko yei wym hun wei wym sñiawsuk ya ka mang tangka wa da wanrah da ka Executive Committee yong ka Voice of the People Party (VPP).

Uwa yahkhmat ka Liang Pyrchah uwa man u MDC ka UDP na Sohra, u Titosstarwell Chyne da ong u wa ki MDC ka Liang Pyrchah ym hun ki ya kani ka mang tangka hanla ka EC yong ka VPP da kam ki wa dang boon i yoh bar yei pynlut.

Da ong u wa kani ka Executive Committee ym ye ko wow pynche hajrong i wanrah ya ka Supplementary Expenditure kawa Rs. 1.88 klur hadooh wa kut noh ka dorbar.

U Titos da khyrwit u deiwa eh deiwa ong wa hapoh ka yung dorbar ki MDC ka VPP ym ye ki wow ang tangwa da pynheh ki cha lait deiwa pynbaad wa ki MDC ka Liang Synchaar toh ki ki rem dorbar pynksan cha baar.

Related posts

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Hawa yatoh wa i wym chah yong u Chairman ya ka Liang Pyrchah wow yatai ya ka mang tangka, u Titos uwa man leh u CEM warim da ong u wa man ko iyi iyi wym ye wow pdiang wei ka wym pu jooh jia wei ym e laad ya ki dkhot wow yatai ya kawon kawon ka bynta yong ka mang tangka.

Da pynsñiaw u leh yei lyngngoh wa u Chiarman da booh u dei por wow e pyrtuid ya ki dkhot wow chimbynta. Da ong u leh wa lada ym e pyrtuid leh, ki MDC toh u yoh ki wow klam lada chah i por, neibhah wow yatai ya ka mang tangka ymtoh wow woh daw woh dong.