Shillong: I puræ puthi wa ki skur man ki kiwa kongsan tam ha kani ka juk wa katni wei ha kani ka tayaw wa da dep, ka sorkar jylla da rai ko wow booh noh da ki kyndon ya waroh ki skur samen kiwa kwah wow yoh yarap na ka sorkar, wei lada ym ye ki wow bood ya ki kyndon ym yoh ki yei tipmit naka sorkar.
Hawa yaklam wa u Lahkmen Rymbui uwa man leh u montri ka chnat puræ puthi, da ong u wa ha Meghalaya em hadooh kamwa 2220 tylli ki skur samen kiwa ympu jooh yoh yarap na ka sorkar wei kini ki skur kynthup ki ya 1,190 tylli ha ki Lower Primary, Upper Primary 299, Secondary 521 wa ki Higher Secondary 150 tylli wei kini waroh toh kiwa da tipmit da ka sorkar.
Ha iwi won i liang u Lahkmen da ong u wa kiwi won kiwa ympu tipmit ka sorkar em ki kamwa 466 tylli kiwa kynthup 205 tylli ki Lower Primary, Upper Primary 77, Secondary 148 wa Higher Secondary 36 tylli deiwa pynrap leh wa ye u man wa kini ki skur man ki kiwa dang thymme wei ka chnat daw pait bniah ko ya ki Application yong ki.
Da ong u leh wa kini ki khynnah ha kini ki skur hap yakhun ki ya ki Exam kam ki Private Candidate lada kwah ki wow yakhun ya ka Exam MBOSE.
Discussion about this post