Shillong: U MLA ka liang pyrchah ka Congress na Mawlai u Process T Sawkmie ynne ka sngi da paan u naka sorkar jylla wow wanrah ya ka rai wa pura yong ka wow kyntu ya ka sorkar pyrdi wow pynpsiah noh ya ka ktien Khasi wa Garo hapoh ka Eight Schedule ka riti synchaar ka ri India.
Ha ka sngi nyngkong ka Dorbar ka sorkar jylla wa pynman ynne ka sngi, u Sawkmie da wanrah u ya ini i dawa deiwa pynthut u yeiwa wanrah u montri rangbah ka jylla u Conrad K Sangma ya ki Bill hapoh ka yung Dorbar.
Katkam i ong u Sawkmie waka Khasi Authors Society (KAS) mynstep daw pynman ko ya ka yalang wa heh ha Shillong heiyatoh wa ini.
Tangwa neiliang u Conrad u wym e kawon kawon ka kular heiyatoh wa ini da ong u wa ka liang pyrchah toh u sñiawthooh ki kammon u burom ki ya ki rukom pyllai ya ka Dorbar wei da em ki por wow wanrah ya iwon iwon hapoh ha Dorbar ym toh heipor wa da booh wow klam chwa ya ki kaam sorkar.
“Me (Sawkmie) em mi wow wanrah ya ki phang tangwa da leh mi khlem bood ya ka rukom lai ka Dorbar wei emkaam waroh u kynmoo kammon wow bood ya i rukom pynlai ya ka Dorbar wei kattæ i por toh wow wanrah chwa ya ki kaam wow kreh ka sorkar wow wanrah ya ki Bill wei ya kiwi daw yaklam ha i por wa da booh wei emkaam wow sñiawthooh ya ini,” da ong u Conrad.
U Speaker leh chwa ini da pait u yei dawa ka liang pyrchah wow e por wow yaklam ya kiwa boon wa emkaam wow yaklam hapoh ka Dorbar.
Discussion about this post