theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Hiar bha ki kaam pyrchah aiñ ha ka Lockdown 2021 bar ha u 2020

Advertisement ad1

Ki kaam pyrchah aiñ ha i por wa pynkrehkaam ya ka Lockdown wow yakhun pyrchah ya ka khlam COVID-19 da sakhi wa ha uni u snem da duna bha ki hawa wyrchaw wa u snem wa dadep hapoh West Jaiñtia Hills waroh kawi. 

Hawa yaklam wa u SP ka District, u Bikram D Marak da ong u wa hawa wyrchaw heipor wa em ka khlam ha uni u snem wa u snem wa dadep (2020) da chem wa ki kaam pyrchah aiñ nadooh kiwa khor wa kiwa khian ha uni u snem (2021) da duna bha ki. 

Da ong u wa heipor wa krehkaam ka Lockdown nadooh u Wisu hadooh u Naisaphra u snem wa dadep da em 104 tylli ki kaam tyngkheiñ aiñ katwa ha uni u snem won ha u Naisan wa Naiynru da em du 28 tylli. 

Heiyatoh wa ki kaam wa man pyrchah ya ki thaw ki bhaw ha u snem wa dadep em ki 27 tylli katwa ha uni u snem won du 5 tylli, i kaam tooh ha u snem wa dadep em ki 22 tylli katwa ha uni u snem 5 tylli. 

Ki kaam wa chah tynyap ha u snem wa dadep da em 6 tylli katwa ha uni u snem won em iwi, ki kaam slaitbor ha u snem wa dadep 4 tylli katwa ha uni u snem won ym em iwi wot leh. 

Chooh chooh ki kaam pyrchah ya ki khynnah namo POCSO ha u snem wa dadep em ki 23 tylli katwa ha uni u snem won em 4 tylli.  

Share this:
Previous

Poi kiwa yalehke Olympics ka India ha Tokyo

Next

Thang u Montri Rangbah ka Assam ya ki drugs wa chongdor T. 163 klur