Jowai: Katkam ka yutip wa da yoh, ynne ka sngi ki pulit ka Assam da hiar biang ki cha chnong Psiar, West Jaiñtia Hills.
Da ong wa ini i hiar ki pulit ka Assam da ki phaw ngut da pynsyir mynsien i ya ki paidbah wei ki khynnah leh da haap liwan noh ki na skur.
Heipor wa kylli yutip na u SP ka West Jaiñtia Hills da pyntip u wa ki pulit ka district hapoh i yahkhmat u DSP da hiar ki cha kani ka chnong wow tip tre yeiwa jia.
Neiliang u DC ka District u LNS Dykes Garod da ong u wa ini i hiar ki pulit ka Assam cha Psiar ynne toh wa em ki pulit ka Meghalaya ha kani ka chnong wei ymtoh wa wan kyntoor pood ko (Assam) namo wow chna BOP.
Katkam wa man kattæ u Border Magistrate na ka WJH leh da em u ha kani ka chnong.
Discussion about this post