U Montri Rangbah ka Meghalaya, u Conrad K Sangma chirup wa u Montri Rangbah ka Assam, u Himanta Biswa Sarma wa ki Montri sorkar ki ar jylla ynne ka sngi da lai ki cha Langpih, kawa man ka chnong wa kajia pood ki ar jylla.
U Conrad K Sangma da ong u wa kani ka sngi toh ka wow sah kynmoo ya ki ar jylla heiwa ki ar Montri Rangbah da lai sylli ki ya ki thaw ha Langpih wei da yaklam ki leh wa ki paidbah.
Da ong u leh wa ini pynyoo i yeiwa bha, i maya lok wa i raikut ka sorkar neibynta ki paidbah yong ki ar jylla.
Da ong u leh wa da toh i por ya ki Regional Committee wow e ki ya ka bui (Report) cha ki Montri Rangbah ha ka 30 tarik uni u bnai wei hadien ini daw chong yaklam wa kiwa embynta wa kiwa daw chah ktah chwa wow rai hajrong ki 6 tylli ki thaw.
Da yooluti wow pyndep u yaklam wa kiwa embynta chwa ka 31 Kmaichonglad (December) 2021.
Kiwi kiwa da emlang ha kani ka sngi toh ki dkhot ka Regional Committee ka Assam wa Meghalaya.
