Ynne ka sngi da pynman ya ka yalang wow pynbait ya u pood hapyrdi ka Assam wa ka Meghalaya ha West Jaiñtia Hillls wei ya kani ka yalang da pynman ha Conference Hall ka yung krehkaam u DC ka West Jaiñtia, Jowai.
Ha ka yalang ha West Jaiñtia Hills, ka Committee kynthup ko ya u Sniawbhalang Dhar, Minister i/c Urban Affairs, etc kam u Chairperson, u Comingone Ymbon, Minister Food Civil Supplies & Consumer Affairs, etc, u Lahkmen Rymbui, MLA Amlarem Constituency, u Nujorki Sungoh, MLA Mowkaiaw Constituency, u Thombor Shiwat, CEM, JHADC, u Aiborlang Shadap, MDC, Barato-Mukroh, JHADC katwa u Deputy Commissioner West Jaiñtia Hills District u man u kam u Member Convenor.
Hawa yaklam wa u Wyrta u Sniawbhalang da ong u wa ynne ka yalang ym em chim ko ya kawon kawon ka rai. Tangwa ya ka bui daw rah cha ka sorkar pyrdi heiwa da phah ya u BDO u leh u yeiwa emkaam.
Heiyatoh wa ki chnong hapoh Block I ki chnong wa biang ki kot ki sla daw pynbiang wei daw yaklam hajrong yong ki.
