Hiar yalap Election ki montri ka MDA cha Jowai yow paan kyrchaan ya u Dr. Jemino

Jowai: Ynne ka sngi u Dy. CM ka jylla u Prestone Tynsong, ki montri ka sorkar jylla wa kynthup ya u Sñiawbhalang Dhar, u Lahkmen Rymbui nalor ki MLA wa kynthup ya u Nujorki Sungoh, u Lambor Malngiang wa ki MDC ka JHADC da ku rynsan ki ha Iawmusiang Jowai wow yalap Election neibynta u Dr. Jemino Mawthoh uwa man u kyrtong MP wa hunlang ka sorkar MDA haka jyllla uwa ym em wan ha kani ka yalang yow paan ya ka kyrchaan wa pura naki paidbah wow e laad ya oo ha kani ka kynti deiwa ong wa lada ki paidbah ki jied ya u kyrtong monlang uwa emyatoh nadooh ka sorkar ki District Council hadooh ka sorkar jylla daw ye u wanrah chiboon ki myntoi ha kiwa boon ki liang.

U Prestone Tynsong hawa e yei klam da kdaw u ya ki kattu katni ki phang namo ki Issue wa pynman ya oo deilang wa kiwi ki MLA wow mih noh naka seiñ Congress wei kawa rap kongsan da ong u wa ym yoosuk dei ya kiwa yahkhmat ka Party, deiwa kynthah ya u Dr. Mukul wa phah u samen yei thoh khlem tip ki para MLA deiwa ong wa ka sorkar da rai ko wow e kti noh yaka kaam tih mooyong cha ka MMDC wei ka File da lai ko ter ter cha ka Coal Ministry, Mine Ministry wa Home Ministry.

Kamtæ ha kani ka sorkar wa katni, u Conrad ym duna ya 6 sien da lai yachem ki wa ki montri ka sorkar pyrdi ha Delhi neibynta wow yasaaid ya ini i chem chitom wei ka kaam dang lai ko chakhmat.

U Lahkmen Rymbui, montri ka chnat puræ puthi, da ong u iyi i daw wa ki Party waphær waphær tylli ki wow kyrchaan ya u Dr. Jemino toh wa waroh i angnood wow yoh u wanrah boon ki myntoi haka jylla.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ha i jooh i por da yaroh u yaka sorkar wa yahkhmat da u Conrad neidaw wa ka jylla ka da yoh ko boon ki kyrkhu wym jooh yoh haki por wa nachwa lyngba ki Scheme waphær waphær.

“Nga yooluti ko wa ka luti wa i rai ki paidbah nadooh ki por wa da dep haka election MLA, MDC naka bynta wow wanrah yaka sorkar MDA daw man ka kamjooh ha kani ka kynti,” ong u Lahkmen.

Neiliang u Lambor Malngiang MLA da ong u wa ka chakri para bru toh ka chakri ya u Blai wa ki paidbah em ki sa du le sngi wow wow chim ya kani ka rai wow jied ki.