Hukum ka JHADC ya ki karkhana khyndaw-bilat wow booh ya ki Water Treatment Plant

Jowai: Ha kini ki tayaw wa dadep da chem wa ki dakha ha ka wah Lukha da sdang yap biang ki hadien wa kylla rong ka um ha kani ka wah.

Ynne ka sngi ka JHADC da rai ko wa ha kini ki sngi wow wan da pynman ko yei takit wow chemdien wa neiyi i daw namo neiwon mih i jakhlia (Pollution) ha kani ka wah.

ADVERTISEMENT

Hawa yaklam wa u Wyrta ynne ka sngi, u Lasky Rymbai uwa man u Deputy CEM ka Council wa u Winning G Sungoh uwa man u EM ha ka Trade, da pyntip ki wa ha ka yalang wa man wa ki heh ki karkhana pynmih khyndaw-bilat ynne, da phah ya ki wow bood ki thij ya ki kyndon wa da booh da ka Meghalaya State Pollution Control Board (MSPCB).

Da pyntip ki wa ki karkhana toh u em ki ya ki Water Treatment Plant namo ka thaw wow pynkhooid ya ka um weiwa na waroh ki karkhana wa em ha East Jaiñtia Hills da em kini ki Treatment Plant du ha ki 3 tylli ki karkhana katkam wa man katni heiwa da phah ya waroh ki karkhana wow booh noh ki ya kini ki thaw pynkhooid.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Chooh chooh da pyntip ki wa daw thoh ka Council cha ka MSPCB wow pynman ya i sylli (Inspection) ha kini ki karkhana neipor cheipor.

Heiyatoh wa ka Wah Lukha wa i yap ki dakha neidaw wa man bih ka um, da pyntip ki wa daw pynman ka Council ya ka takit ha kini ki sngi wow wan wow chem neiwon mih ini i jakhlia namo i bih wei lada chemdien wa toh wa mih i na ki karkhana, daw pynchitom ya ki katkam ki kyndon ka aiñ.