I buit Politics wa toh dor ka BJP yow tympra ya ki paidbah hei pyrtuid ka niam deiwa pynkrehkaam yaka CAA: Ronnie

Uwa yahkhmat ka Congress Legislature Party (CLP), u Ronnie V Lyngdoh da ong u wa i pynkrehkaam yaka Citizenship Amendment Act (CAA) hachwa ka Election Lok Sabha toh i Politics toh dor yong ka BJP wow tympiah ya ki paidbah hei pyrtuid yong ka niam.

Da ong u wa ka Congress da beiñ ko yeini wei daw pyrchah ko ya kani ka aiñ yong ka sorkar India wei da kyrpaad u ya ki paidbah ka ri India wa toh u jied ki ya ka Congress kawa e laad wow mane Blai deiwa laitlooid, ka wow yada yaka riti synchaar wei ka wow pynneh yei synchaar khadar paidbah.

Hawa kylli hajrong i pynbna yong ka sorkar India wa yaka CAA da pynlait nei pynkrehkaam ha ki thaw wa haap hapoh ka Sixth Schedule wa kynthup yaka jylla Meghalaya, u MLA ka Congress da ong u wa emkaam wow pynyoo yeini ha ki kyndon (Rules) yong ka CAA, heitæ yow ngait wa da pynlait sakhiat yaka CAA na ki thaw yong ka Sixth Schedule.