Jowai : Hadien wa yoo wa suki i rukom pynkreh ya ka Multi Storey Shopping Complex ha Iawmusiang, neiliang u Wyrta da lai yachem u wa u Deputy CEM ka JHADC u AA Shullai wow yoh i pynche hei yatoh wa ini.
U Shullai da pyntip u wa dadep leh ya ka Joint Inspection, hapyrdi ka District Council Affairs, ka PWD wa ka JHADC wei ya ka report da phah cha u Chief Secretary ka Jylla.
Ya kani ka report daw phah u Chief Secretary cha u Secretary ka Ministry of DoNER (Development of North Eastern Region) wei du hadien ini u chim ka Ministry ya ka rai.
I daw wa haap u leh ya kani ka Joint Inspection toh wa kwah ka Ministry ya ka Status Report, da em iwa duk u pynkylla ya i rukom man kani ka Complex wei i ku dor ki mar (price escalation).
Da pyntip u Shullai wa i dor wa yaphær næ iwa tam daw su ya ka pyn da ka Council.
Discussion about this post