I chukor ka Congress ya ka Mizoram man i kabu ya ka NPP: Conrad Sangma

Shillong: U National President ka NPP u Conrad K. Sangma ynne da ong u wa ka Congress ha Mizoram, ymye ko wow pyntoh wow pyndap yeiwa angnood ki paidbah ka jylla, wei ini i chukor ka Congress u man i ka kabu ya ka NPP.

“I kular i wow kreh katkam i angnood ki paidbah ka jylla wei kyrmen skem i wa ki bru ka Mizoram u e laad ki ya i wow em bynta heiwow chna sorkar,” da ong u Conrad K. Sangma.

Ka NPP u pynyakhun ko ha ki 9 na ko 40 ha ka Election MLA ha jylla Mizoram.

Hawa lai yalap ha Kawnpui kawa haap hapoh ka Tuirial Constituency, heiwa u MLA ka Congress u Hmingdailova Khiangte u yakhun noh u na ka NPP, u Conrad da ong u “U Blai em iwa da pyrkhat u neibynta ka NPP wei itæ man i iwa heh bha ya i. Deiwa kyntait ticket ya u Khiangte ka Congress da chukor ko ym du ya oo tangwa wot ya ki paidbah ka Tuirial constituency. Kular O leh wa hadien ka result, ka NPP daw em ko ka bynta wa khroo wow chna sorkar wei u Pu Khiangte u embynta u ha ka dhab ki montri ka sorkar.”

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

U Khiangte uwa da man kam u MLA na Tuirial Constituency ym jooh em bynta u ha ka dhab montri wei ka Congress da kyntait ko ya oo ha kiwa boon ki bynta hanlada wa wanrah u chiboon ki phang wa yatoh wa ka Tuirial Constituency.

“Ha ka election ha Manipur boon ki heh congress da dooh ticket ki na ka (Congress) em na ki kiwa yakhun na ka NPP wei da jop ki wei da embynta ki katni ha ka sorkar Manipur,” da ong u Conrad.

Da kyntu u ya ki paidbah ka Mizoram wow pynyoo ki wa da kyntait ki ya ka Congress kawa noh ya kiwa mihkhmat yong ki.

Hajrong i bynta wa ka NPP kreh ko neibynta ki paidbah khian paaid wa ki Christian, u Conrad Sangma da ong u, “Hawa ki payu Christian yong i chah lehbeiñ ki, ka NPP da yieñ ko wow yakhun yei hok yong ki. Hawa waroh ka pyrthai suki ki, ka NPP da klam ko yeitæ wot hadooh ha Parliament.”

Da pyntip u wa da wan u cha Mizoram wow pynyatylli ya ki bru na ri-loom (Tribal) deiwa kyntu ya ki wow kyrchaan ya ka NPP.

“Deiwa pynembor ya ka NPP, ye i wow pyntikna wow yaleh i ya i hok ki paidbah ka thaaiñ mihsngi (North East) wa i hok ki Christian toh u yada ya ki. Ki paidbah ka thaaiñ tip ki wa ka NPP yakhun ko neibynta yongki,” da pynrap u.