U MLA ka Mawlai Constituency uwa man leh u Chief Whip ka liang pyrchah, u Process T Sawkmie da ong u wa i dawa pynkrehkaam ya ka Inner Line Permit (ILP) ym mut i wa kiwa chong chnong ka jylla pyrchah ki ya ka India, neibhah hadooh katni ki paidbah ka jylla Meghalaya tip che ki wa u ksoh pura ki wa ka ri India ryngkat i thrang wow yoo wa kani ka ri ku ko wei emkaam yei yatylli wei waroh emkaam ki wow burom ya ka riti synchaar wei kamjooh leh u burom ki leh ya ka lama ka ri.
U Process da ong u wa kiwi ymtoh u sñiawthooh bakla ki wa i dawa ILP u kdaw i cha i kyntien wa pyrchah ya ki nong India.
Chooh chooh da ong u wa kam uwi na kiwa mihkhmat, yieñ skem bait u hajrong ka yurim wa waroh ki 60 ngut ki MLA yatylli ki iwi wow mynjur da ka Resolution hapoh ka yung dorbar chna aiñ neibynta wow pynkrehkaam ya ka ILP, dei yooluti wow pynkrehkaam noh ya ka ILP, wei yooluti u leh wa neiliang ka sokar India daw ksoh ko yei kular wow e noh ya i dawa ka jylla kamwa da wanrah ha ka Resolution.
Da ong u wa ka Congress lada em i tyrwa na ka sorkar wow yachem ya u Amit Shah, ka Party daw pynman ko ya ka CLP wei lada toh i bynta wow lai ka Congress emkaam wow tip che ko tangwa ini waroh chong i ha i stat u montri rangbah.
U Process da ong chooh chooh u wa ym kwah u wow ngait kat ya iwa mih ha ki khubor namo wow ong wa lada kwah ILP daw haap dooh noh ya ka Sixth Schedule, tangwa daw yang bait ya ka sngi wow wan u Shah ha Shillong wei yooluti u leh wa daw yoh u klam wa ki seiñ waphær waphær kamwa da pyntip da u Montri Rangbah, u Conrad K. Sangma.
