Shillong: U Chairman ka Meghalaya State Planning Board uwa man leh u MLA ka Nongkrem, u Lambor Malngiang da ong u wa kam uwa mihkhmat paidbah, daw pynsñiaw biang u cha u montri rangbah ka jylla wa toh u pynkrehkaam smat yaka ILP ha kani ka jylla deiwa pynbor ya ka sorkar India neibhah du wow yang ym toh de i por. Da ong u wa ka jylla ka emkaam ko leh wow pynkhlan ya ka MRSSA wei ya ini daw rah noh ha ka dorbar mang tyngka wow wan.
U Malngiang da beiñ joor u leh yei chah thombor ki paidbah ha ki baar jylla kiwa toh kiwa poi wiar wei ini i jia da kammon kammon ym ye u pdiang la kammon kammon leh.
Chooh chooh da ong u wa lada jia ma jia wei lada ki paidbah wa kiwa yahkhmat ym yieñ lang ki ha ka jooh ka yurim wow yatylli, ka jylla daw dooh mynsien chooh, da pynrap u wa ini toh i maa yaka jaitbru.
Hawa kylli hajrong wym ye u pynyoh ya ka ILP ha ka jylla da ka sorkar, u Malngiang uwa kyrchaan lang ya ka sorkar MDA, da kyntait u wa em ka leh stiñ na ka sorkar deiwa pynrap wa i lai cha Delhi toh du kawi ka sur wow paan ya ka ILP.
Discussion about this post