U Symbood Montri Rangbah ka jylla u, Prestone Tynsong hadien wa da yoh u yeiwa da thoh ka Hynniewtrep Youth Council (HYC) kawa da kdaw wa katkam wa da chem ko lyngba i yaleh Right to Information (RTI), kiwa em hok kam kiwa chong chnong ha Them Metor em ki du 194 tylli ki tnoom yung wei ymtoh kamwa da ong ka sorkar hadooh 342 tylli ki tnoom yung, hajrong ini da ong u wa em ki por i rukom jubab RTI ym yatoh ko waki kot ki sla wa em waka sorkar.
Hawa yaklam wa kiwa thoh khubor ynnin ka sngi, u Prestone da ong u wa da phah yaka chnat Shillong Municipal Board waka chnat Urban Affiars wow pynsakhiat biang hajrong ini lada toh iwa biang næ iwa bakla.
Heijooh i por da ong u wa i jubab RTI ym man ko iwa biang lut wei da pynkynmoo u yei por wa dang ksoh u yaka chnat bordiñ heiwa da em wa paan RTI chaphang ka Scheme Subhagya heiwa iwa pyntip lyngba ka RTI wa iwa em ha ki kot ki sla ka sorkar yaphær bha ko.
Kamtæ da ong u wa ym ye wow ong wa i jubab wa da e haka RTI ym man ko kawa biang lut, wei na ini i daw da phah biang cha ka chnat wa toh u pait wei bichaar ya iwa biang wa lait.
Discussion about this post