15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Phah ka MPCC yei pyrtuid u Batyngshain wow yakhun na Shella

0 Comments

Shillong: Ka Election Committee yong ka Meghalaya Pradesh Congress Committee (MPCC) ha ka yalang wa da man ynnin i janmiet da rai ko wow phah da i pyrtuid u Batyngshain Laitmon Ryngnga wow yakhun ya ka Election MLA chiteiñ samoi ka wow man ha Shella Constituency ha u bnai wow wan.

Ya ini i rai ka Congress da chim ha ka yalang ka Party wa da man ha yung sah u khlieh ka Congress Legislature Party (CLP), u Dr. Mukul Sangma.

Advertisement ad1

Ye wow kdaw heini wa em le ngut kiwa da paan Ticket na ka Congress wow yakhun ya kani ka Election wa kynthup ya u Batyngshain uwa man u kyrtong wa wan wa le ha ka Election MLA 2018, ka MDC na Nongshken, ka Grace M Kharpuri wa u Wilfred Khyllep uwa man u sahep IAS wa da chongngiah dang ini wadep.

U Dr. Mukul Sangma da ong u wa ya kani ka rai da chim ha ka yalang ka Party hadien wa da bichaar bniah bha khnang wa ka Party u yoh ko yei jop deiwa pynrap wa ya i pyrtuid u Batyngshain da phah cha ki heh ka AICC ha Delhi wow yoh yei mynjur.

Previous
Next

0 Comments

Leave a Reply