U MLA ka Amlarem, u Lahkmen Rymbui da ong u wa i leh ki bor District ka Karbi Anglong ha Lapangap toh iwa hap wow beiñ neibhah ka thaaiñ Lapangap waroh chi kattu toh thaw kawa chong suk wot lada em ko ha khappood wa ka Assam.
Hawa klam wa ki laad pathai khubor ynnin ka sngi, u Lahkmen uwa man leh u dkhot ka Regional Committee wow pynbait pood ha Jaiñtia Hills, da ong u wa ka jylla daw hap ko wow pyntikna wa chngaaiñ kiwa chong chnong wei iyi wa jia ha Lapangap da wanrah ko yei pynthut yei suk i saaiñ kiwa chong chnong.
Da ong u wa i leh ki bor District ka Karbi Anglong wa ka sorkar Assam toh iwa hap wow beiñ neibhah toh u yang ki yow lai bait chwa i yaklam pynbait pood.
Hawa pynsñiaw yei kmen i chimkhia ka sorkar Meghalaya, da ong u wa ka sorkar toh u chimkhia chooh chooh ko khnang wa kam ini ym jia de i.
Discussion about this post