U Montri Rangbah ka jylla, u Conrad Kongal Sangma da ong u ynne wa ym yoo u yei chah ktah wow puræ ya kiwi ki jait ktien, lada toh i ktien Hindi, English næ kiwi tawon deiwa pynrap wa lada hap wow yaklam salonsar, ka ktien English man ko kawa emkaam wow tip, wei lada yaklam ha India ka ktien Hindi toh kawa da yaklam da ki paidbah, katwa kamtæ wow puræ ya ka ktien Hindi toh ka kabu ya ki khynnah ka jylla wow tip ki u klam ya kani ka jait ktien wei ymtoh iwa sih wow puræ ya kani ka jait ktien.
Da ong u wa ka sorkar jylla ympu yoh ko ya kawon kawon ka hukum na ka sorkar India wow pynman ya ka ktien Hindi kawa kongsan deiwa pynrap leh wa ymtip kammon wow pynkrehkaam ya ka, tangwa da ong u wa neiliang u Montri ki kaam pohyung ka ri, da klam che u wa i ktien tynre toh kiwa kongsan.
U Montri Rangbah da ong u leh wa ka sorkar India daw thooh bniah ko hajrong ki ktien tynre deiwa booh leh ya ki thaw puræ bniah, deiwa e yarap poisa neibynta ini i kaam wow kyntu kynrong ya ki ktien tynre.
Neiliang u Conrad da pynchlur u leh ya ki khynrooh wow puræ ya ka ktien Hindi wa English.
