U MLA ka Nongstoin, u Gabriel Wahlang da ong u wa i rai wow psiah cha ka NPP toh neibynta wow wanrah ya ki kaam pynroi ha ka Nongstoin Constituency kawa da sahdien palat khamtam ha ki sarok.
Hawa klam ha ka yalang pdiang burom ka NPP ya oo ynne ka sngi ha yung krehkaam ka Party, u Gabriel da ong u wa i wan yong u cha ka NPP, daw nang pynkhlan ko ya ka Party ha ka Constituency yong oo wa ha ka West Khasi Hills.
Da ong u wa i wan psiah cha kani ka Party, ymtoh neibynta ki kaam samen tangwa neibynta ki paidbah, neibhha wow ong hi-eh wa kam u MLA wow lai e daw cha ki paidbah wym ye u leh iyi iyi neidaw wa em ha ka liang pyrchah, ymtoh wa em yumut.
Lyngba i wan psiah cha ka NPP, daw pynman ya oo wow chakri khambha ya ki paidbah ka Constituency wa ka West Khasi Hills District.
Da ong u wa chwa wow psiah cha ka NPP da yasyllok wa kiwa kitkaam yow kyrpaad ya ki wow e laad wow lai psiah cha ka sorkar neibynta i myntoi yong ki ha i roi i paar.
Discussion about this post