I pynkut ya ka Durga Puja ha Jowai u phær i na kiwi ki thaw

Ka lehniam Durga Puja kiwa ngait niam Hindu ha waroh kawi ka pyrthai u sdang ko nadooh mynstep ka 28 tarik wei u pynkut ya ka deiwa pynngam um ya ki Blai ha ka 2 tarik u Naichiphaw 2025.

Ka sngi wow pynngam um ya ki Blai yahaap ko wa ka sngikha u Mahatma Gandhi kawa man leh ka Gandhi Jayanti.

Heiyatoh wa ka 2 tarik, man-u-snem toh ka sngi wow pynkhooid ya ki yaaw ki haat ha Jowai wa ha kylleiñ ki chnong ki thaw hapoh West Jaiñtia Hills.

Ha Jowai ya kani ka lehniam da pynlai da ka Sarbajanin Durga Puja Committee ha Shiv Mandir, Iawmusiang, Jowai.

Neiliang u Wyrta hawa yaklam wa u President kani ka Committee, u Soumitra Chakravarty da pyntip u wa da chong pyrkhat ki yeini i kaam heiwa wei da burom yeiwa da jooh myllien ki paidbah ka sor Jowai wow pynkhooid ya ki yaaw ki hat wa ki chnong ki thaw kam chibynta ka Swachh Bharat na ki snem wa dadep.

Related posts

Mynjur ka sorkar ya ka tulop wa thymme ya ki 23,000 ngut kiwa sikai Adhoc wa kiwa sikai SSA

December 19, 2025

Ka Report wa e ka Expert Committee toh kawa khia 200 Kg kawa 4-5 hajar sla ymtoh iwa suk wow puræ | Daw pynlait paidbah ka: Conrad

December 19, 2025

Kamtæ ha uni u snem da rai wa i pynngam um ya ki Blai kam ka dak wow pynkut ya kani ka lehniam u pyndep ha ka 3 tarik u Naichiphaw kam chibynta i burom markylliang wei yeini da pyntip leh cha ki ki bor District ka West Jaiñtia.

Katwa ya i pynngam um ya ki Blai ha Nartiang u man hi i ha ka 2 tarik.