I rem ka NPP na Garo Hills toh wa poor i Video wa daw chna mandir ya ka Durga

Hajrong i chah pynrem ka kyrtong ka NPP, ka Agatha K Sangma ha u kyrtong ka Congress, u Saleng A Sangma, neiliang u Rakkam A Sangma da ong u wa i chah rem ka NPP ha Garo Hills toh na kawi ka Video kawa da em wa chna kawa da ong wa daw chna pynsah naam yei dur Durga wa ka Mandir.

Hawa klam ynne ka sngi, da ong u wa da chah yahbakla ki paidbah wa ya ka poisa daw chna ha ini i dur ka mandir wa ka blai Durga ki Hindu, wei da pynpoor ya ini i Video wa da chna thok iwa da ngait ki Christan, heiwa da kylli cha ki lada u pdiang ya kam ini heiwa ka NPP waka BJP daw chna poisa ki neibynta ini.

Kamtæ da ong u wa ini da pynman ko ya ki paidbah wow chah yahbkla ki deiwa pynrap wa teiñ teiñ ka Politics da man ko kawa palatpood.

Heijooh i por da ong u wa ye u man wa ki paidbah ka Garo Hills kwah ki da u MP wa thymme.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hawa kyntait lada daw em iwon iwon i eh ya ka NPP ha ki sngi wow wan, u Rakkam da ong u wa i maad yei rem da pynman ko ya ka Party wow kreh deiwa rap eh.