I sahteiñ ka VAB ka KHADC toh neidaw wa u Montri Rangbah wa u CEM ym em sniawthooh yumut ki: SNSBH

Shillong: Ka yalang yong ka synjuk Ki Nongsynshar Shnong Ka Bri u Hynniewtrep (SNSBH) da rai ki wa u Montri Rangbah wa u CEM ka KHADC toh u khut yaklam ki chwa ka tayaw nyngkong u Kmaichonglad (Dec) uni u snem yow yatai nia yei sahteiñ ka Village Administration Bill (VAB) ka KHADC.

Katkam wa ong u u President ka SNSBH u Dr. Werlok Kharshiing da ong u wa ka hadien wa da chong pyrkhat bniah ha ka yalang, da rai wow thoh cha u Montri Rangbah ka jylla u Dr. Mukul Sangma wa cha u CEM ka KHADC u Pynshngain N Syiem wa toh u yachem ki wa ki dkhot ka SNSBH yow yaklam yei daw wa sah ka VAB hadooh katni.

Da ong wa sa kawi tawon ka rai toh wow paan pynche na u Lat ka jylla lyngba u CEM hajrong i paan jubab na ka tnat kaam pohyung ka ri India hei yatoh wa ka VAB, da pynrap u deiwa ong wa katkam ka kyndon, hawa u Lat chem u iwon iwon i eh toh u paan yumut u naka sorkar jylla wei lada ym sñiaw hun ye u pynuiñ ya ka Bill.

U Dr. Werlok da ong u wa i sahteiñ ka VAB nadooh u 2015 hadooh katni toh neidaw waka sorkar jylla ym jooh khut ko wow yaklam waka KHADC.

Related posts

Hiar chuki u Nitish Kumar kam u CM ka Bihar hadien wa ksoh ya ka chuki 10 sien

March 30, 2026

Ym pu em e jubab ka JHADC lada daw pdiang yei tyrwa wow su noh da ka sorkar ya ka tulop

October 30, 2025

Da ong u leh wa ka SNSBH daw yaklam ko wa u Montri Rangbah hajrong ka rai yong ka yalang kawa pynman ha ka 31 tarik u Naikhynde uni u snem heiwa da rai wa ka sorkar toh u khut yalang ko hapyrdi ka SNSBH, ka KHADC wow yaklam pynbait ya kani ka kaam.

Katwa u Secretary ka Synjuk u RL Blah won da ong u wa i sah ka VAB toh wa neidaw u Montri Rangbah wa u CEM ka KHADC ym em ki i sñiawthooh yumut hapyrdi yong ki. Da ong u leh waka SNSBH da dep tyrwa ko wow man kam kiwa em hapyrdi yow ye ki u yachem tangwa hadooh katni ym em mih kiyi kiyi ki dak na ini i tyrwa.