Ka MLA yong ka East Shillong kawa da chah beh (Suspend) na ka seiñ Congress, ka Dr. Ampareen Lyngdoh da ong ko wa i mih yong u AL Hek uwa man u MLA ka BJP wow pynrem ha rynsan paidbah ya uwi won u MLA ka BJP, u Sanbor Shullai da pynyoo wa em i yaphær yumut hapoh yong ka BJP.
Da ong ko wa lada ka toh kawa yahkhmat kawa rap nachwa ym lai ko wow beiñ ya u paralok ha rynsan paidbah lane ha ki laad pathai khubor, wei ini leh da pynyoo che wa em i piah hapyrdi yong ki.
Da ong ko leh wa ym ye ko wow ong iyi iyi hawa yatoh wa i leh yong u Sanbor, tangwa da pynrap ko wa lada toh da ka, u burom ko ya iyi wa da pynsñiaw da u Metbah, wei lada emkaam daw klam ha kawi ka por ya iyi wa emkaam u klam.
Ha iwi i liang kani kawa yahkhmat warim ka Congress da ong ko wa i sakhiat wa ka phang ILP, i pynpsiah ya ki ktien tynre ka jylla ha ka 8th Schedule ym haap hei pait yong u President, wei toh du i pyrchang wow pynyoo chwa ka Election.
Puræ leh: Paan maap u Sanbor yeiwa klam u yow yada ya ka BJP deiwa beiñ ya u Hek
