Neiliang ka HITO West Jaiñtia Hills District ynnin ka sngi hapoh i yahkhmat u Crissence Ksoo uwa man kam u Joint Secretary ka seiñ da lai pait ki ya ka Jowai Civil Hospital ha Ialong hadien wa yoh ujor na kiwa kjut wa chah sumaar ha kani ka thaw.
Neiliang ka seiñ da chem ko wa em du kawi ka Doctor wa pait ya waroh ki kiwa kjut kiwa em hapoh ICU wa Emergency wa kiwi.
Ka seiñ da ong ko wa ini man iwa sñiawsih heiwa kiwa chong chnong ka Ri-loom Jaiñtia wan chah sumaar ki ha Civil Hospital hap yang ki da ki kynta wot ha ki kaam wa jhan namo ki Emergency Case leh kamjooh.
Neiliang ka seiñ da beiñ joor ko ya ka sorkar MDA yei kheiñstiñ ya kiwa chong chnong kiwa chaniah ya kani ka thaw sumaar.
Da kyntu leh ya ka sorkar wow ieh chwa ya ka luti rel wei wow pait yeiwa emkaam ka Civil Hospital, ki CHC wa PHC.
Discussion about this post