Jowai: U Ardent Miller Basaiawmoit ynne ka sngi da ieh u yei ksoh kaam President u ya ka Party HSPDP neidaw wa ym ye u pynpoi thong ya ka Party kamjooh wow pynkohngooh ya ki MLA ka Party.
Ini i ieh noh kaam yong oo toh hadien wa uwi na ki MLA ka HSPDP ynne ka sngi da baam smai u kam u montri ka sorkar thymme ka Meghalaya Democratic Alliance (MDA) hapoh i yahkhmat u Conrad Sangma kam u Montri Rangbah.
Ha ka chithi ieh noh kaam wa da e u ha Vice President ka Party, da ong u wa da chim ya kani ka rai neidaw wym ye u yah luti ya ka Party yow poi cha ka thong wow jop wei neidaw wym u synchaar ya ki MLA kam u President ka Party.
Ini ye i u man wa ynnin u Ardent da pynsniaw u yei pyrchah u emlang ka Party HSPDP ha ka sorkar synrop wa emlang leh ka BJP kamjooh pyrchah u leh yei man Montri Rangbah ka jylla da u Conrad hadien wa da dep kular ya u Prestone ya kani ka kyrdan.
Discussion about this post