Ieh noh u MDC ka Musniang-Rngad ya ka party Congress

Jowai: U MDC ka Musniang-Rngad u Phasmon Dkhar ynne ka sngi da mih noh u na ka Indian National Congress (INC) deiwa e ya ka chithi wow mih noh u naka seiñ ha kti u General Secretary ka East Jaiñtia Hills District Committee Khliehriat neidaw wa u President wym em u.

U Phasmon man u leh kam u Secretary ka MPYC wei i daw wa mih noh u naka Congress da ong u wa sñiaw u wa ym em man i iwa biang wa toh wow sap ya ka sula ka Congress tangwa u kyrchaan won ya ka sorkar hapoh ka JHADC neibhah ka NPP waka INC toh kiwa yieñ marpyrchah wa kiwa yaleh pyrchah hapoh ka jylla.

Da ong u leh yow lait u mih i sñiawthooh bakla wei kam uwa mihkhmat paidbah wa sakhiat da rai u wow leh ya ini i kaam.

Chooh chooh da ong u wa waroh ki MDC Congress kiwa kyrchaan ya ka sorkar haphoh ka Council kam u kyrtong MLA ka Congress ha kani ka Election wa dadep u Awhai Andrew Shullai na Jowai Constituency, u Holando Lamin na Amlarem Constituency wa ki MDC u MLA ka Congress ka Sutnga Constituency wa katni u Shitlang Pale waroh kyrchaan ki ya ka sorkar NPP ha Council.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

Kamtæ neidaw wa burom u ya ka lyngkor wa em ha oo kam uwa mihkhmat kamjooh ya ka INC da chim u ya kani ka luti.

Da pynkut u deiwa ong wa heipor wa krehlang ka UDP waka INC hapoh ka JHADC ym em mih u naka Congress neibhah nadooh nachwa ka UDP waka INC toh kiwa da jooh krehlang wow chna sorkar tangwa katni won wow kyrchaan ya ka NPP kam u MDC ka INC man ko kawa ym ye u man hawa hapoh ka jylla toh kiwa yaleh pyrchah wei oo hi u pteiñ u kyrchaan ya ka sorkar hapoh ka Council kam u MDC wa samen.