Im biang uwa da pynbna pyrtuid kam uwa yap neiwa jia ha krem mooyong ha East Jaiñtia Hills

U Shyambabu Singha (44 snem) uwa da mih pyrtuid kam uwi na kiwa da khlaad nei pdung Dynamite ha ka krem mooyong wa em ha Mynsngat-Thangskoo, da chem toh uwa dang im.

Katkam wa da mih ha Report ki pyrtuid kiwa yap, ya ka Post-Mortem u Shyambabu da pyndep ha Shillong wei da e kti yei metyap cha kiwa ha-yung ha-sem u ha ka 8 tarik uni u bnai.

Tangwa katkam ka Situation Report wa da pynmih ha ka 12 tarik da ka yung krehkaam u DC ka East Jaiñtia Hills District, da ong wa ya u Shyambabu Singha uwa da pynbna toh uwa da yap tangwa ha ka 12 tarik da chem toh uwa dang im wei da sdang chait u.

Ini mut i wa kiwa ha-yung ha-sem u Shyambabu da rah ki dei metyap yong uwi won u bru heiwa da pyndep ki leh ya ka niam ka rukom ha Karimganj, Assam.

Ye wow man leh wa heipor wa lai kit ya u bru cha NEIGRIHMS, Shillong da bakla toh u Shyambabu heiwa da khlaad noh u ha ka 8 tarik wei da e kti yei metyap cha kiwa ha-yung ha-sem u.

Related posts

Da ki Exercise yow lait nei yoh Stroke wa kiwi de ki kjut pynyoo kiwa lai puræ Physiotherapy ka NEAU

September 8, 2026

Ngooid ka wah Ganga ya i Mandir wa 150 snem ha West Bengal

September 8, 2026

Tangwa da em won ka khubor wa da ong wa ya ka Post-Mortem u Shyambabu da leh ha Shillong Civil Hospital wei kiwa ha-yung ha-sem da pyntikna ki wa toh hi u Shyambabu deiwa pait yei sahchkoor wa deiñ u.

Ini leh da pynkulmar chooh chooh neibhah ka yung krehkaam u DC da ong wa ya u Shyambabu da lai booh cha NEIGRIHMS.

Kattu da eh leh u tip uyi u bru wa pyndep niam ka yung ka sem u Shyambabu.