Shillong: Hadien ba ka sorkar jylla da pynbna ko ya i rai wym chah pynman ya ki ‘Christmas Carol’ ha ki sarok wa ki chnong. Neiliang kawa yahkhmat ka Congress kawa man leh ka MLA yong ka East Shillong Constituency, ka Dr. Ampareen Lyngdoh da kylli ko ya ka sorkar, iyi mut wow chah noh ya kiwa uiñke suwari kiwa wan na baar ka jylla, katwa khang won ya ka ‘Christmas Carol’.
Da pynrap ko deiwa ong wa ka sorkar hi kawa ong wa nadooh ka 21 tarik uni u bnai u chah noh wow wan kiwa uiñ pyrthai kiwa na kiwi ki jylla, tangwa ha i jooh i por won ym chah wow lehkmen leh sñiawbha Christmas du ya ki paidbah kiwa em ha ka jylla.
Da kylli ko leh wa lada ka sorkar da ya syllok ko næ ym em wa kiwa yahkhmat niam wa kiwi ki seiñ saiñpyrthai chwa wow pynbna ya i rai, wei ha ka miet snem thymme ye hi ki wow ong wa ym em Curfew.
Da ong chooh chooh wa ka sorkar toh u bichaar bniah bha hawa pynbna, khnang wow man kiwa ye u leh wei kiwa em yurim, lym kamtæ ham pynmih ya ki pynbna næ ki kyndon ki wym em wa ap.
