15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Iyi yaphær ha pyrdi u Aadhaar wa ka NPR

0 Comments
Advertisement ad1

Uwa pynbor da ka aiñ wa i mon sñiawbha
U Aadhaar Number hadooh katni ka sngi toh uwa ye phi u chim chong hei mon yong phi (Voluntary) uwa e da ka Unique Identification Authority of India (UIDAI). Yow em pyrtuid hapoh ka Register ka NPR toh i kaam iwa ym ye u yait (Mandatory) yong waroh ki bru ki wa em hapoh ka ri India.

U Aadhaar u Number ka NPR ka Register
U Aadhaar toh u number wa em 12 dak (Digit) u wow yoh jar jiar u/ka bru wei wym e ya artylli u jooh u Aadhaar Number iwa mut uni u number da man uwa kyrpang ya uwi pa uwi u/ka bru. Ka NPR won toh ka register ya uwa uwi pa uwi u bru hapoh ka ri hanlada man u tre ri namo uwa wa wan kreh wan puræ cha poh ri India yow tip katwon ngut em ki tre ri wa ki bar ri.

Ka aiñ hei yatoh wa u Aadhaar wa ka NPR
Ka NPR toh ka wa da kyrchaan da ka aiñ Citizenship Act 1955 tangwa kani ka aiñ ym em pynbor ko ya ki paidbah yow e ki ya ka Biometric Information iwa mut u chim ka sorkar ya i chon kti yong waroh ki 10 tylli ki pariam kti (Fingerprint Scan) wa i chim yei dur ki pyllung khmat (Pupil Scan).

Katwa ya u Aadhaar won da em ka aiñ thymme wa tip kam ka The Aadhaar (Targeted Delivery of Financial and other Subsidies, Benefits and Services) Act, 2016 kawa da pdiang da ka Lok Sabha wa ka Rajya Sabha ha u bnai Wisu (March). Tangwa ya kani ka aiñ ym pu em yoh ko ya ka muhor u President ka ri hadien wa u Jairam Ramesh da yaleh mukotduma (PIL) u pyrchah ya kani ka aiñ ha Supreme Court ka ri ha i nongrim wa ka sorkar ong ko wa kani ka aiñ toh ka ‘Money Bill’ tangwa ki kyndon won ko toh yow yoh ya i hok u chim ya ka Biometric Information ki paidbah.

U pynsakhiat ya u bru wei u pynyaphær ya ki tre chnong wa ki baar ri
U Aadhaar Number toh wow pynsakhiat wa u/ka bru toh sakhait man ki katkam wa kam ki la hei chim ya u khoo ration, i thied ticket train wa kiwi kiwi. I em pyrtuid won ha ka NPR toh yow tip wa u/ka bru toh ki tre chnong næ ki wa na baar ri.

I yohmyntoi na ka NPR wa u Aadhaar
Ya ka jylla Meghalaya wa tip kam ka ‘NPR State’ ym man i iwa suk ya ki baar ri baar jylla u psiah pyrtuid ki lada ym biang ki ya ki kot ki sla. Hanlada yoh laad ki u psiah ha ka NPR daw em won sa ka Social Vetting heiwa ki chnong ki block daw yohlaad ki u pynsakhiat wa ki bru wa em ha kani ka NPR toh næ ymtoh ki tre ri kamjooh lada em ki bru wa mih pyrtuid ar sien le sien. Hadien wa dep ya ini u phah biang ya ki pyrtuid ki wa paka ki tre ri cha ka UIDAI yow yoh ki ya u Aadhaar Number/Card. Ya ki pyrtuid ki baar ri kiwa em hapoh ka NPR lada toh kiwa biang ki kot ki sla kam ki wa wan yaleh sports/kreh/wan puræ wei man ki kiwa sah la 6 bnai wei daw sah ki leh sa 6 bnai ki leh ye ki u yoh ya ka Aadhaar kam ki baar jylla ym toh ki tre ri, kamtæ ym ye de ki u kam ya ki khoo ration, gas subsidy wa kiwi kiwi kamwa ki tre ri yoh ki. Ya ki baar ri wa ym biang ya ki kot ki sla won daw pynchitom ya ki katkam ka aiñ.

I doohmyntoi
Katkam ka aiñ lada ym em pyrtuid hapooh ka NPR man ko wa pyrchah ya ka aiñ weiwa hapoh Meghlaya lada ym em pyrtuid hapoh ka NPR ym ye u yoh ya u Aadhaar. Khlem yoh ya u Aadhaar ha kiwa boon ki jylla ka India u lai puræ leh ye u dooh, u wai Bank Account, thied ticket train wa kiwi kiwi. Ya u Aadhaar daw pynyatoh (link) ya oo wa ki Ration Card, ki Scheme waphær waphær ka sorkar kam ka PDS, LPG Subsidy, Scholarship, Pension wa kiwi kiwa daw dooh noh lada ym em ya u Aadhaar. Iwa mut lada ym man u Aadhaar wa da pynbor da ka aiñ u chim ya oo, da man u uwa emkaam (Compulsory) ya ki paidbah wa kwah u yoh myntoi ha kiwa boon ki kaam wa man ka sngi kiwa e da ka sorkar.

Advertisement ad1

0 Comments

Leave a Reply