Shillong: Ka Meghalaya Cricket Association (MCA) da jied thymme ko ya ki dkhot ka Apex Committee yong ka ki wow krehkaam le snem.
U President wa thymme ka MCA toh u Danny Ch Marak, uwa da chah jied heithaw u Chief Minister Conrad Sangma, katwa u Honorary Secretary wa thymme toh u Gideon Kharkongor, uwa da chimkti na u Naba Bhattacharjee. Da jied leh sa soo ngut ki dkhot wa ar ngut kiwa yalehke Cricket wei daw jied leh sa uwi u dkhot da u Accountant General.
Ka Meghalaya man ko kawi na ki 6 tylli ki jylla kiwa da tipmit yaka Constitution yong ka wei da leh katkam ki kyndon ka Lodha Committee, da pyntip u Bhattacharjee hawa yaklam wa kiwa pathai khubor ynne ka sngi.
Da klam u leh yei kreh chitom yong ka MCA ha kini ki snem wa da dep yow yoh ko u man kam ka Full Member haka BCCI.
U Bhattacharjee da kyntu u leh ya kiwi ki District wow krehkaam lang yow pynku ya ki kaam yalehke Sport hapoh ka jylla khamtam ya ki jaitbru ri-loom.
Ki dkhot wa da chah jied: Danny Ch Marak (President), Dipul R Ryntathiang (Vice-President), Gideon Kharkongor (Honorary Secretary), Chiang D Shira (Joint Secretary), Dhrubajyoti Thakuria (Honorary Treasurer), Arwotki Sumer (Councillor).
Discussion about this post