U Montri Rangbah ka jylla, u Conrad Sangma da ong u katkam iwa mih ha kani ka Election chiteiñ samoi toh wa ki paidbah da kyntait ki ya ka Congress, heiwa da ong u wa da yoo u yei ya pynbaad heipor Election hapoh ka Congress kawa da piah ar liang khamtam ha Rajabala, wei ini da wanrah i yei kulmar hapoh ka Congress neibhah wa i yachruit para ki da ktah i ya ka Election yong katai ka seiñ wei kam ini i piah da em leh ha Mawryngkneng wa Mawphlang.
U Conrad da ong u leh wa ymtoh wa chna parom donhi tangwa man iwa sakhiat wa ka Congress da piah ko neibhah kamwa mih na ki yachem yong ki heh ka Congress wa kiwi won ki seiñ da pynche ko yei kynrum kynram hapoh ka Party.
Da ong u leh wa heipor wa yalap Election da klam che u cha ki paidbah wa lada kwah ki wow lai chong ha ka Bus kawa ym tikna lada em wa yah ya ka, heiwa da hap kynthiar noh ki na katæ ka Bus.
Neiliang u Prestone Tynsong uwa man leh u Symbood Montri Rangbah ka jylla da ong biang u wa ka seiñ Congress toh ka lieñ kawa da ngam heiwa da kyntu u ya ki heh ka Congress wow kynthiar noh ki chwa wow ngam kamwa da che kdar katni.