Ka lympung yalehbol wa tip kam ka Chief Minister’s District Level Open Under-12 Football Tournament 2023, neibynta ka West Jaiñtia Hills dapoi ko cha wakut ynne ka sngi ha Kiang Nangbah Stadium, Jowai.
Ka yakhun Final wa da pynman neibynta ki kynthai toh hapyrdi ka Amlarem Govt LP School waka Mukhla Grassroot Centre heiwa ka Amlarem da jop ko da 1-0.
Ha yong ki chynrang won da pynman hapyrdi ka Padu United-A waka Ummulong Grassroot Centre heiwa ka Padu da jop ko da 1-0.
Ki yakhun Semi Final toh kiwa da pyndep ynnin ka sngi hadien wa da dep jied chwa ya kiwa jop na ki Block waphær ka District wa kynthup ya ka Thadlaskeiñ, Laskein, Amlarem wa Namdong.
Ya kini ki Final da wan wow sakhi da u EMH Passah, Working President ka WJDSA kam u kongsan.
Ya kani ka lympung da pynman da ka yung krehkaam u DSO, West Jaiñtia Hills District.
