Jop ka Apha SC waka Madan FC ha ka Umkiang league

Jowai: Ka Umkiang League wa pynman da ka Umkiang Sports Association da pteiñ biang ya ka ynne ka sngi da ki ar tylli ki yalehke.

Ha ka yalehke wa nyngkong wa pynman hapyrdi ka Apha waka RC Hills, ka Apha da jop ko da 3-0 wei ya ki kool da thap da u Rafael Bamon ha ka minit wa 66 da ka Penalty, u Makai Surong ha ka minit wa 77 wa u Joyphis Pohthmi ha ka minit wa 86.

Ha ka yalehke wa ar won ka Madan FC da pynrem ko ya ka Wahkoh SC Da 3-2 kool.

Ya ki kool ka Madan FC da thap da u Miki Lamin ha ka minit wa 36 wa 44 wa u Hilarius Lamare ha ka minit wa 77, katwa ki ar kool yong ka Wahkoh da thap da u Bhamon Tongper ha ka minit wa 11 wa u Wanbiang Rymbai ha ka minit wa 58.

Related posts

Jop ka Byndihati ya ka Women’s League 2025 ka EJHDFA

December 20, 2025

U pynkup burom ka MFA ya ki 40 ngut kiwa da yarap pynku yei yalehbol | Puræ yei pyrtuid ki heini

December 20, 2025

Ki yalehke daw pteiñ biang ya ki ha ka 11 tarik uni u bnai heipor 12 waje pyrdi sngi hapyrdi ka Dukan SC pyrchah yaka Lumtrom YSC.

Heipor 3 waje noh chariñ ka sngi ka RC Hills daw yachem ko waka Umkiang-East.