November 5, 2019

Jop ka Khimusniang haka Super Division ka WJDSA

Advertisement ad1

Jowai: Haka Super Division ka WJDSA kawa tip leh kam ka 12^th U Kiang Nangbah Memorial Trophy, ynne da pynman yaka yakhun Eliminator hapyrdi ka Khimusniang waka Lumiawmuchai Shangpung.

Ya kani ka Eliminator da jop daka Khimusniang yaka Lumiawmuchai Shangpung da 4-3.

Advertisement ad1

Ya ki kool ka Khimusniang da thap da u Amazing Paslein haka minit wa 3, u Jeffrey Litting haka minit wa 81, u Donbok Bamon haka minit wa 87 wa u Yuletide Langbang haka minit wa 89.

Yaka Lumiawmuchai Shangpung da thap kool da u Spermiki S. Manner (Penalty Kick) haka minit wa 19 wa u Wanhwa Phyllei uwa thap kool haka minit wa 59 wa 78.

Haka 8 tarik heipor 2 waje i sngi won daw pynman yaka Semi Final Qualifier-2 hapyrdi ka Mynthong waka Khimusniang yow rai ya ki wow yachem waka 7 Wasa haka Final ka Super Division.