15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Lai u Conrad wa ki montri cha Bangladesh yow pynku ya ka khayi pateiñ

0 Comments
Advertisement ad1

Jowai: U montri rangbah ka jylla, u Conrad K Sangma ynne da yahkhmat u ya ka dhab wa kynthup ya ki montri, ki sahep wa kiwi kiwi wow lai cha Bangladesh neibynta soo sngi.

Kani ka dhab wa yah u Conrad kynthup ko ya ki montri ka sorkar jylla kawa kynthup ya u Sñiawbhalang Dhar, u Lahkmen Rymbui wa u Banteidor Lyngdoh.

Ha ini i lai ka dhab daw yachem ki leh ya ki warep, ki khynnah puræ, ki bru samen wa seiñ khih, wa kamjooh leh ka montri rangbahdooh ka Bangladesh, ka Sheikh Hasina.

Chwa wow psiah cha Bangladesh na Tamabil, Dawki u Conrad da ong u wa ini i lai cha Bangladesh iwa soo sngi toh wow pynkhlan yei yatoh lok wa kani ka ri, khamtam wa yatoh wa ka kaam rep, bordiñ, uiñke suwari wa kiwi kiwi.

Da ong u leh wa ka kaam khayi pateiñ hapyrdi ka India wa ka Bangladesh kynjoh ko cha ka 10 Billion Dollar ha ka chisnem katwa wa ka Meghalaya won man i du 0.7 percent donhi hanlada em ko u pood wa jrong wa kani ka ri wei dei lai kamni yoolyti u wow ye u pynkhlan ya ka khayi pateiñ.

Da kyrmen u leh wa deini i lai daw ye wow pynjanai i yatoh ka Meghalaya wa ka ri Bangladesh khamtam ha i khayi pateiñ.

Advertisement ad1

0 Comments

Leave a Reply