Jop ka Ladthadlaboh SC iaka Tpep-Pale 6-0

Jowai: Hadieñ wada elad i bneiñ ynne ka sngi da bteiñ biang ia ka ialehke bol ha pyrdi ka Ladthadlaboh SC wa ka Tpep-Pale. Ka Ladthadlaboh SC da ioh ko u pynkhih ia ka jar yndru sien pyrchah ia ka Tpep-Pale SC haka 1st division.

U Heimanioo Lamre da ioh u u thap ia ka kol kawa nongkong haka minit kawa 49. Ki kol wa bood won da thap da u Pynbhamiki Ksoo haka minit kawa 55, u Wankiroi Syrpuh haka minit kawa 72, u Simeon Suchiang haka minit kawa 74, u Jeffrey Darnei haka minit kawa 77 waka minit kawa 80.