Ka Lion Sports & Youth Affairs da jop ko da 27 Run ya ka Moodymmai Cricket Club ynne ka sngi ha ka yakhun Semifinal wa ar ka Open to All Cricket Tournament 2023 wa pynman da ka West Jaiñtia Hills District Cricket Association Jowai ha Madan Khliehtyrshi Mini Stadium.
Ya ka kylla-khlem da jop da ka Moodymmai Cricket Club heiwa da jied ko u kawang bol nyngkong, heiwa ka Lion da lai ko wow kamai 276 Run na waroh ki 35 Over deiwa kamai boon dooh u Nik Dan 109 Run na 93 bol deilang wa u Deibormi Rangad 93 Run na 74 bol. Ya ki Wicket da pynhaap da u Ribok Hynniewta 3 tylli na ki 6 Over wa u Heimonlang Lyngdoh 2 Wicket na ki 7 Over.
Ka Moodymmai Cricket Club hawa beh ya ka thong, da ye ko wow kamai 249 Run na ki 35 Over deiwa dooh 8 Wicket deiwa lehbha u Daowan Passah 41 Run na 37 bol, u Ribok Hynniewta 39 Run na 28 bol wa u Heimonlang Lyngdoh 34 Run na 29 bol, neiliang kiwa kawang bol ka Lion da lehbha da u Peterson Lamare 3 Wicket na 7 Over wa u Firstbornson Dkhar 2 Wicket na 6 Over.
Yei naam Man of the Match da yoh da u Nik Dan yong ka Lion Sports & Youth Affairs.
Kamtæ ka yakhun Final u man ko ha ka 5 tarik uni u bnai hapyrdi ka Lion Sports & Youth Affairs pyrchah ya ka Efty United XI Mynso.
