Jop ka Maloo FC waka MID’s United haka Quarter Final ka 3rd Evening Super 4 Tournament

Jowai: Ka 3^rd Evening Super 4 Tournament 2019 wa pynman da ka Chutwakhu Social Welfare Local Dorbar, ha Basketball Court wa em ha madan Jrisaleiñ, ynnin ka sngi da pteiñ ya ki yalehke Quarter Final.

Haka Quarter Final wa ar da pynman hapyrdi ka Maloo FC pyrchah yaka Cham Cham, ka Maloo da jop ko da ka yachut Tie-breaker da 2-1.

Ka yaleh hadooh wa kut i por da kut ko da 3-3.

Yaka Cham Cham da thap kool da u Mayalang haka minit wa 15, u Marsan haka minit wa 27 wa u Donbok haka minit wa 34.

Related posts

Pyntikna ka MFA wa daw pynman ya ka Meghalaya Women’s State League wa nyngkong dooh

June 8, 2025

Rah ka Khanduli SC yei naam jop ha ka lympung yalehbol ka Namdong-B

June 8, 2025

Yaka Maloo FC da thap kool da u Hawni haka minit wa 14 wa 37 wa u Jerry haka minit wa 21.

Ka yachut Tie-Breaker da kut ko da 2-1.

Haka Quarter Final wa le wa pynman ynnin ka sngi hi, ka MID’S UTD da jop ko yaka Para I FC da 8-5.

Yaka MID’s da thap kool da u Reynard haka minit wa 10 wa 34, u Raplin haka minit wa 18 wa 23, u Xavi haka minit wa 46 wa 47 wa u Arwan haka minit wa 54 wa 55.

Yaka Para I da thap kool u Dakermi haka minit wa 20 wa 40, u Amazing haka minit wa 29 wa u Embhah Iaki haka minit wa 49 wa 53.

Yaka Quarter Final wa soo u pynman haka 23 tarik uni u bnai hapyrdi ka Friends UTD pyrchah yaka Spartan FC heipor 6:30 i janmiet.