Ka 8th U Kiang Nangbah Memorial Inter Office Football Tournament 2021 kawa da pynman da ka Meghalaya State Government Employees’ Federation, Jaiñtia Unit ha Kiang Nangbah Stadium, Jowai da sdang ya ki yakhun Quarter Final ynne ka 2 tarik heipor 10:30 i step.
Ka yakhun Quarter Final kawa da pynman ynne toh hapyrdi ka MeECL waka Medical heiwa ka Medical da jop ko da 3-1 yow psiah syndon cha ka Semi Final.
Ka kylla step da kut ko khlem em wa yoh u thap kool katwa ha ka kylla miet mar ya sdang thap wot ka Medical ha ka minit wa 43 lyngba u Donbok Bamon wa ar kool na u Nehlang Bareh ha ka minit wa 67 wa 80+1 katwa ya ka MeECL da thap da u Thymmaibor Buam ha ka minit wa 85.
Ka Quarter Final wa bood daw pynman hapyrdi ka Veterinary waka Police.
