Shillong: Ki 8 tylli ki Wicket na u Abhishek Kumar da pynjop yaka Meghalaya pyrchah yaka Arunachal Pradesh da chi Innings wa 125 Run haka U-19 Cooch Behar Trophy wa pynman ha Tezpur ynne ka sngi.
Deiwa pteiñ da 5/2 wa kut ka yalehke ynnin, ka Arunachal da ye ko wow kamai 127 naka thong wa booh ka Meghalaya haka Innings wa nyngkong wa 293 Run. U Kumar hadien wa pynhaap u ya ki 2 Wicket, da pynhaap u sa 2 Wicket yow pynkut yaka Inning wa nyngkong da 4/42, u Bipin da yoh u 4/40, u Aaron Nongrum 1/15 wa u Aryan Borah 1/19.
Ka Arunachal da phah yaka wow leh yaka Follow-on heiwa u Kumar da yoh u 8/24 (Waroh 12/66). U Borah won 1/0 haka wi donhi ka Over wa kawang bol u yow pynhaap lut ya ki Wicket ka Arunachal kawa ye u kamai du 41 Run.
Haka U-23 Col CK Nayudu Trophy, ka Chandigarh da pyntam ko da 169 Run yaka Meghalaya haka Innings wa nyngkong. Ka Meghalaya da kamai ko 119 Run (All Out) ynnin ka sngi, wei hadooh wa kut ka yalehke ynne ka sngi ka Chandigarh da kamai ko 288/7. U Roshan Warbah toh uwa leh bha dooh na kiwa kawang bol ka Meghalaya uwa yoh 3/69.
Discussion about this post