Jowai: Ha ki yalehke ka WJDSA, ynne da pynman du ya ka kyrdan Super Division kawa tip leh kam ka U Kiang Nangbah Memorial Trophy, da ka yalehke hapyrdi ka Moosalyngkat waka Nangbah Mulang.
Ha kani ka yalehke ka Moosalyngkat da jop ko yaka Nangbah Mulang da 4-1.
Yaka Nangbah Mulang da thap kool da u Firstborn Susngi haka minit wa 24.
Yaka Moosalyngkat da thap da u Edius Laloo haka minit wa 37, u Solangki Pala haka minit wa 47 wa 74 wa u Buromlangki Pale haka minit wa 73.
Mynstep ka 27 tarik daw pyndep ya ki yalehke Semi Final ka 2nd Division da ki yalehke hapyrdi ka Mukhla Raij Vrs Nangbah Sports Association heipor 12:15 pyrdi sngi wei pynbood saka Luti Tuber Vrs Iawmulong Nartiang heipor 2:30 i sngi.
Discussion about this post