Jop ka Musniang SS, ka Wapung HSS wa ka Lotus SS ya ka Subroto Cup ka East Jaiñtia

Ka District Level Inter-School Subroto Mukherjee Cup 2025 ka East Jaiñtia Hills dapoi ko cha wakut ynne ka sngi da ki yalehke Final ka Under-15 Boys, Under-17 Boys wa Under-17 Girls kiwa da pynman ha Dieñchynrum Football Ground.

Ha ka Under-15 Boys, ka Musniang Secondary School da jop ko ya ka KB Memorial Secondary School, Wapung da 3-0.

Ha ka Under-17 Boys, ka Wapung Higher Secondary School da jop ko ya ka Sein Jait Tuber Higher Secondary School da 4-0.

Ha ka Under-17 Girls won da jop da ka Lotus Secondary School, Dieñchynrum ya ka Sanshnong Secondary School da 2-0 deiwa yachut Tie-Breaker.

Related posts

Ym dam hi u wow em kiwa chim kabu ya ka Lumpongdeng khamtam wa da jan ka Election MP: Wailadmiki

April 20, 2026

Chah ban ka kari Pick-Up ha ki moo ha i bynta u sarok Laitlyngkot-Lyngkyrdem

April 20, 2026

Da saam leh yei naam Best Player cha u Everlasting Dkhar na ka Musniang Secondary School neibynta ka Under-15 Boys, u Daemitre Rymbai na Sein Jait Tuber Higher Secondary School da yoh yei naam Best Player neibynta ka Under-17 Boys katwa ka Thehlut Sana na Sanshnong Secondary School da yoh ko yei naam Best Player neibynta ka Under-17 Girls.

Kini ki le tylli ki skur wa jop Final daw mihkhmat ki ya ka East Jaiñtia Hills District ha ka State Level Inter-School Subroto Cup 2025 kawa daw pynman ha Shillong.