Ka 3rd Division ka East Jaiñtia Hills District Football Association (EJHDFA) da poi ko cha wakut da ka yakun Final hapyrdi ka Rymbai Madanpynriang SC waka Khliehmyntriang ynne ka sngi.
Ka Rymbai Madanpynriang SC da jop ko da 3-1 yaka Khliehmyntriang SC ha ka yalehke wa yoosuk bha.
Ka Madanpynriang da thap nyngkong ko haka minit wa 13 lyngba u Easter Dkhar kawa da neh hadooh wa kut ka kylla step.
Ha ka kylla meit ka Khliehmyntriang da su kylliang ko haka minit wa 48 lyngba u Generous Siangshai tangwa ka Madanpynriang da ban ko sa ar tylli ki kool lyngba Sanhame Bareh haka minit wa 52 wa u Rappormi Dkhar haka minit wa 68 yow jop syndon da 3-1.
Hapoh ka 3rd Division yei naam Best Team da yoh ka TSC Lummyrli wei yei naam Emerging Player da yoh u Raplangki Lyngdoh naka Khliehmyntriang.
Ya kani ka Final da wan pynhaap pyrda ya ka da u Kor Sympli, Ex-MDC JHADC uwa man leh u pa u Kyrmen Shylla, Montri sorkar deilang wa ki dkhot ka EJHDFA.
Discussion about this post