theme-sticky-logo-alt
theme-logo-alt

Jop ka Shillong Cricket Association (B) haka Inter District U-19 Boys Cricket Tournament 2022 ha Khliehtyrchi

Ka Shillong Cricket Association (B) da khur ko yei naam jop ha ka lympung yalehke Inter District U-19 Boys Cricket Tournament 2022 wa da pynlai daka Meghalaya Cricket Association ryngkat wa ka All Jaintia Cricket Association ha Khliehtyrchi ynne ka sngi.

Ka Shillong Cricket Association (B) da yachem ko waka Ri Bhoi Cricket Association hei por 9:30 waje i heiwa ka Shillong Cricket Association (B) da da jop ko da 4 Wicket.

Ya ka kylla-khlem da jop da ka Ri Bhoi Cricket Association kawa da jied ko wow Bat nyngkong.

Ka Ri Bhoi Cricket Association da lai ko wow kamai 64 Run na ki 18 Over deiwa dooh ko waroh ki Wicket. U Reshab Subedi da kamai u 23 Run (3×4) na ki 35 bol, u Bharat Gurung won da ye u kamai 13 Run (2×4) na ki 13 bol. U Pushkar Raj yong ka Shillong Cricket Association (B) da yoh u wow pynhaap 3 Wicket na ki 4 Over, u Basant Chettri wa u Angkit Tamang da yoh ki u khur mar 3 Wicket na ki 5 Over.

Ka Shillong Cricket Association (B) hawa beh yei thong da ye ko u kamai 67 Run na ki 25.4 Over deiwa dooh 6 Wicket. U Pushkar Raj toh uwa yoh boon dooh ki Run deiwa kamai u 15 Run (1×4) na ki 40 bol.

Yei naam Player of the Match da yoh rah da u Basant Chettri, yong ka Shillong Cricket Association (B)

Ka yalehke mynstep ka sngi heipor 9:30 i step u man ko hapyrdi ka All Jaintia Cricket Association pyrchah ya ka East Jaintia Hills Cricket Association.

Share this:
Previous

Wa jhan i pynbait pood toh wow yohnong ki heh spah wa thied ya ka Hotel ha Khanapara: Vincent

Next

Chimbynta chongchit ki khon ka Raij Ialong ha ka Nohsakyriat