Ka Umshangiar Sports Club da jop ko da 2 Run ya ka Khliehtyrshi Sports Club ynne ka sngi ha ka Open to All Cricket Tournament 2023 wa da pynman da ka West Jaiñtia Hills District Cricket Association Jowai ha Madan Khliehtyrshi Mini Stadium.
Ya ka kylla-khlem da jop da ka Umshangiar Sports Club wei da jied ko u Bat nyngkong heiwa da kamai ko 160 Run na 28.3 Over deiwa dooh lut ya ki Wicket. Kiwa kamai boon Run dooh toh u Heiyoo Ryngkhlem 40 Run na 29 bol, u Dathrang Pariat 38 Run na 43 bol wa u Kunemiki Lato 16 Run na 14 bol. Na kiwa kawang bol ka Khliehtyrshi da lehbha da u H. Timi Ryngkhlem uwa da yoh 4 Wicket na ki 7 Over wa u Peter Nongtdu 2 Wicket na ki 7 Over.
Ka Khliehtyrshi hawa beh ya ka thong ka Umshangiar wa 160 Run, da yoh ki 158 Run na ki 34.3 Over deiwa dooh lut ya ki Wicket. Kiwa lehbha ya ka Khliehtyrshi toh u Markatjuh Dkhar 31 Run na 33 bol, u V. Sangahiwot Rymbai 30 Run na 50 bol. Na kiwa kawang bol ka Umshangiar da lehbha u Kunemi Lato uwa yoh 3 Wicket na 7 Over, u Sate Bareh 2 Wicket na 5.3 Over wa u Heipormi Laloo 2 Wicket 7 na Over.
Yei naam Man of the Match da yoh da u Kunemiki Lato yong ka Umshangiar Sports Club.
