Jop kiwa lai puræ ka KNGC Rs.15,000 ha ka Ideathon/Hackathon wa pynman ka Jaintia Eastern College

Ka Jaintia Eastern College, Khliehriat da pynman ko ya ka “Ideathon/Hackathon 2026 – Innovating for Sustainable Development in East Jaintia Hills”, deiwa wanrah chirup ya kiwa lai puræ na ki College wa boon yow pynyoo yei buit yong ki wow pynbait ya iwa boon iwa emkaam.

Da emlang ha kani ka sngi wa u Dr. Becare Me O Nongtdu, Principal ka Dkhiah East Secondary School kam u kongsan uwa da pynchlur ya kiwa lai puræ wow pyrkhat deiwa rap phær kiwa daw yarap ya ka imlang sahlang.

Ki kaam wa da booh wow ya pyrkhat ha kani ka Ideathon kynthup ko nadooh ki kaam Tourism, ki kaam rep, ki kaam pynmih baam, i yarap ya kiwa im cha palatsor lyngba ka juk Digital, i pynlang jhep, ki kaam bordiñ wa i eh i khoo ha ki thaw tih mooyong.

Kiwa chimbynta toh kiwa na Nongtalang College, Don Bosco College Byndihati, Kiang Nangbah Government College Jowai wa na Thomas Jones Synod College Jowai kiwa da pynoo pynsñiaw yei buit yong ki kiwa ye wow pynkrehkaam ha ki chnong ki thaw.

Ya kini da bichaar da u Damangbhaki Wann, u S. Pala wa u Besterwell Dkhar, HoD Department of Commerce.

Ya ka 1^st Prize kawa Rs. 15,000 da jop kiwa lai puræ ka Kiang Nangbah Government College wa chimbynta da u Arwandao Dkhar, u Noel Darnei wa u Odawanlangki Sutnga.

Related posts

Pynsuk ka Recruitment Drive kawa da sdang na Jowai yow lait u lai thooh kreh cha jngai

August 18, 2026

Da kut ki 15 sngi wa e por ka KSU wow pyndooh pyndam ya ka Public Hearing ka Shree Cement | U pynjoor da ki yakhih

August 18, 2026

Ya ka 2^nd Prize kawa Rs. 10,000 da jop da ka Thomas Jones Synod College wa chimbynta da u Samanlangki Suchiang, u Heibhahmi Suchen, ka Agatha Jongte wa ka Dashailin Nongshli.

Ya ka 3^rd Prize kawa Rs. 5,000 da jop da ka Nongtalang College wa chibynta da u Phibakor L Gadew, u Bismo Patro, ka Snehashish Bhattacharjee, u Finance Bareh wa u Mimom Das.