15 49.0138 8.38624 1 0 4000 1 https://wyrta.com 300 0

Jop u Reuben Mewanshuwa Hadem yaka NE Body Can Sing 2019

0 Comments
Advertisement ad1

Shillong: U khynroo na Meghalaya u Reuben Mewanshuwa Hadem da jop u yaka yakob rwai wa tip kam ka ‘NE Body Can Singh-2019- Season IV-Western Music Solo Competition’ kawa pynman ynne ka sngi ha U Soso Tham Auditorium, Shillong kam chibynta ka Prasar Bharati Foundation Day, heiwa ka Supriya Laimayum na Manipur da yoh wa ar ko.

Ka NE Body Can Sing toh ka rynsan wow pynyoo yei sap rwai ki khynroo khyllood kiwa naka thaaiñ North East.

Ya kani ka Grand Finale ka Season- IV ka NE Body Can Sing da em 7 ngut kiwa da poi cha kani ka bynta wa khaddooh. U Mudang Buggi (Arunachal Pradesh), ka Anannya Choudhury (Assam), ka Supriya Laimayum (Manipur), u Reuben Mewanshuwa Hadem (Meghalaya), u RK Lalduhkima (Mizoram), ka Sentisangla Oungth (Nagaland) wa u Joseph Sada (Sikkim).

Ya uwa jop, u Reuben Mewanshuwa Hadem da yoh u yaka Artist Contract kawa chong dor T. 1 lak, ki Certificates wa ki Mementos, katwa ka Supriya Laimayum kawa yoh wa ar da yoh ko yaka Artist Contract wa chong dor T. 50,000 ki Certificates wa ki Mementos. Kiwa de kiwa chimbynta da yoh ki yaka Artist Contract wa chong dor T. 6700 wa ki Certificates.

U Shashi Kant ADG (E), North East Zone AIR & DDK da wan u kam u kongsan uwa da ong wa kam kani ka yakob e ko yaka rynsan ya ki khynroo khyllood kani ka thaaiñ wow pynyoo yei sap yong ki. Chooh chooh da ong u wa ka North East toh ka thaw kawa ym duna kiwa em yei saap lada hei rwai, i tem i put wa kiwi kiwi wei da e ya ki yaka rynsan da ka All India Radio yoh yoh myntoi waroh.

0 Comments

Leave a Reply