U Chief Minister ka Assam, u Himanta Biswa Sarma ynne da ong u wa ka sorkar jylla da paitsiar bha ko yei man i long ha khappood wa ka Bangladesh khamtam hadien wa mih i awri ha katai ka ri.
Da ong u wa da yoo kammon chah thombor ki Hindu wei kammon chah thang im ki ha Bangladesh wei ki heh yong ki da ong ki wa daw pyntkut ya ka Northeast India wei u synchaar da ka.
Da sñiawkhia u leh yei man i long ha Bangladesh, heiwa ki Hindu da chah thombor ki.
Chooh chooh da ong u wa ka Assam da jooh sakhi ko yei psiah tooh ki bru na katai ka ri wei ka sorkar da man ko kawa rap husiar katni.
Da beiñ joor u leh ya ki heh ka Bangladesh kiwa dei langær kam ki wa kwah ki u synchaar ya ka Northeast wei itæ ym man iwa ye u pdiang.
Heijooh i por da pynksan u yei kyrdan wa em ka India ha ka pyrthai kam ka ri wa em Nuclear, ka ri wa soo hei mahajon wei i maham wow synchaar ya ka ri ym man i wow kut khlem jubab.
Da ong u leh wa i beh ya kiwa kyntoor pood u pteiñ i ha kylleiñ ka Assam.
Discussion about this post